மகான் முருகப்பெருமானின் கல்கி அவதாரமாக ஒன்பது கோடி ஞானிகளால் போற்றப்பட்ட ஓங்காரகுடிலாசான் தவத்திரு ஆறுமுக அரங்கமாக தேசிக சுவாமிகள் மகான் முருகப்பெருமானின் திருவடிகளில் 17.09.1976 அன்று தனது தவத்தினை துவங்கினார். ஓங்காரக்குடிலாசானுக்கு மகான் முருகப்பெருமான் 26.04.1979 அன்று வாசி நடத்தி கொடுத்து, ஓங்காரகுடிலாசானின் வாசியோடு வாசியாக கலந்து இருந்தார். அன்று முதல், உலக நன்மைக்காக மகான் முருகப்பெருமானால் நடத்தப்பட்ட மாதவம் 14.05.2024 செவ்வாய்க்கிழமை அன்று முடிவுற்று ஓங்காரக்குடிலாசான் மகான் முருகப்பெருமானின் திருவடிகளில் சித்தி பெற்று இணைந்துவிட்டார்.

          இந்த உலகில் இதுவரை ஒன்பது கோடி ஞானிகள் தோன்றி உலக நன்மைக்காக தவமிருந்து சித்தி அடைந்துள்ளார்கள். அந்தப் பாரம்பரியத்தில் ஓங்காரக்குடிலாசான் 14.05.2024 அன்று சித்தி பெற்று மகா முக்தி நிலையான மரணமில்லா பெருவாழ்வை பெற்றுள்ளார்கள். இதுவரை உருவமாக நம்மிடையே இருந்து அருளாசி வழங்கி வந்த ஓங்காரகுடிலாசான் தற்போது அரூபமாக வியாபித்து அருளாசி வழங்கி வருகிறார்கள் என்பதை ஜீவ ஒளி தடமான மகா சமாதிக்கு வருகை புரிந்து வணங்கும்போதே உணரமுடியும்.

          ஓங்காரக்குடிலில் உள்ள மகான் புஜண்ட மகரிஷி மண்டபத்தின் ஞான மேடையில் அமைந்துள்ள ஓங்காரகுடிலாசானின் ஜீவ மகா சமாதியில் நடைபெறும் காலை மாலை பூஜையில் கலந்து கொண்டு தங்களது வேண்டுகோள்களை ஓங்காரகுடிலாசானின் திருவடிகளில் சமர்ப்பித்து பயன்பெறுமாறு அன்போடு அழைக்கின்றோம்.