துரிசறு கருவிகள் சுத்தநல் வெளியிடை அரசுற வகுத்த வருட்பெருஞ் ஜோதி – 578   துரிசறு கருவிகள் சுத்தநல் வெளியிடை அரசுற வகுத்த  அருட்பெருஞ்ஜோதி   குற்றங்கள் யாவும் நீங்கிய தூய்மையான கருவிகள் (மனம், அறிவு போன்றவை), மாசற்ற சுத்த நல்வெளியில் ஒரு பேரரசைப் போலத் தடையின்றி இயங்கி அரசாட்சி செய்யும் வண்ணம் அந்த மேலான நிலையை வகுத்துக் கொடுத்த அருட்பெருஞ்ஜோதி ! இங்கு ஆன்மா கருவிகளை அடக்கி ஆளும் திறமை பெறுகிறது.

காலமே முதலிய கருவிகள் கலைவெளி ஆலுற வகுத்த வருட்பெருஞ் ஜோதி – 576   காலமே முதலிய கருவிகள் கலைவெளி ஆலுற வகுத்த  அருட்பெருஞ்ஜோதி   காலமே முதலிய – வித்யா தத்துவங்கள்        ஆலுற – உறுதியான காலம், நியதி, கலை, வித்தை, அராகம் போன்ற தத்துவக் கருவிகள் அனைத்தும், அறிவு சார்ந்த கலைவெளியில் உறுதியாக நிலைபெற்றுச் செயல்படும் வண்ணம் அந்த நுட்பமான அமைப்பை வகுத்துக் கொடுத்த அருட்பெருஞ்ஜோதி!

மனமுதற் கருவிகள் மன்னுயிர் வெளியிடை அனமுற வகுத்த வருட்பெருஞ் ஜோதி – 574   மனமுதல் கருவிகள் மன்உயிர் வெளியிடை அனமுற வகுத்த  அருட்பெருஞ்ஜோதி   அனம் – அழகு   மன்னுயிர் – நிலைப்பெற்றுள்ள உயிர் மனம் உள்ளிட்ட அகக்கருவிகள் அனைத்தும், நிலைபெற்றுள்ள உயிரின் உணர்வு வெளியில் மிக அழகாகவும், முறையான தன்மையுடனும் பொருந்திச் செயல்படும் வண்ணம் அந்த அமைப்பை வகுத்துக் கொடுத்த அருட்பெருஞ்ஜோதி !

குணமுதற் கருவிகள் கூடிய பகுதியில் அணைவுற வகுத்த வருட்பெருஞ் ஜோதி – 572   குணமுதல் கருவிகள் கூடிய பகுதியில் அணைவுற வகுத்த  அருட்பெருஞ்ஜோதி   குணம் – முக்குணங்கள் ( சாத்வீகம், தாமசம், ராட்சசம் ) முதல் கருவிகள் – மனம், புத்தி, சித்தம், அகங்காரம் மனிதனின் செயல்பாட்டிற்கு ஆதாரமான முக்குணங்களும், மனம், புத்தி போன்ற அகக்கருவிகளும் ஒன்றுடன் ஒன்று மிக நெருக்கமாகப் பொருந்தி, ஒருங்கிணைந்து செயல்படும் விதமாக அமைத்துக் கொடுத்த  அருட்பெருஞ்ஜோதி !

பெருவெளி யதனைப் பெருஞ்சுக வெளியில் அருளுற வகுத்த வருட்பெருஞ் ஜோதி – 570   பெருவெளி அதனைப் பெருஞ்சுக வெளியில் அருள்உற வகுத்த  அருட்பெருஞ்ஜோதி   பெருஞ்சுக வெளி – பேரானந்த வெளி எல்லையற்ற மகா வெளியை (பெருவெளி), அதற்கும் மேலான பேரானந்தம் நிறைந்த பெருஞ்சுக வெளியில், திருவருள் மயமாக நிலைபெறும்படி வகுத்துக் கொடுத்த  அருட்பெருஞ்ஜோதி ! குறிப்பு மேற்கண்ட வரிகளில் குறிப்பிடப்பட்டுள்ள வெளிகளின் தன்மை யோக தத்துவத்தின் அடிப்படையில் வரிசைப்படுத்தினால், கலைவெளி ( அறிவு வெளி … Read more

பராபர வெளியைப் பகர்பெரு வெளியில் அராவற வகுத்த வருட்பெருஞ் ஜோதி – 568   பராபர வெளியைப் பகர்பெரு வெளியில் அராவற வகுத்த  அருட்பெருஞ்ஜோதி   பெருவெளி – சொல்வதற்கு அப்பாற்பட்ட பெரு வெளி அனைத்திற்கும் மேலான வெளியான பெரு வெளியில் ஆதி மூலமான பராபர வெளியை பொருந்துமாறு அமைத்த அருட்பெருஞ்ஜோதி !

பரம்பர வெளியைப் பராபர வெளியில் அரந்தெற வகுத்த வருட்பெருஞ் ஜோதி – 566   பரம்பரவெளியைப் பராபர வெளியில் அரந்தெற வகுத்த  அருட்பெருஞ்ஜோதி   பராபரவெளி – பரம்பர வெளிக்கு மேலான சிவ சக்தி வெளி எல்லாவற்றுக்கும் மேலான வெளியான பராபர வெளியில் மூல வெளியான பரம்பர வெளியை எவ்வித தடைகளும் இன்றி பொருந்த அமைத்த அருட்பெருஞ்ஜோதி !  

பரவெளி யதனைப் பரம்பர வெளியில் அரசுற வகுத்த வருட்பெருஞ் ஜோதி – 564   பரவெளி அதனைப் பரம்பர வெளியில் அரசுற வகுத்த  அருட்பெருஞ்ஜோதி   பரவெளி – சுத்த வெளிக்கு மேலான வெளி பரம்பர வெளி – பரவெளிக்கு மேலான  வெளி சுத்த வெளிக்கு மேலாகச் சொல்லப்படும் பரவெளியானது, அதற்கும் மேலான  மூலமான பரம்பர வெளியில் ஒரு பேரரசைப் போல நிலைபெற்று அரசாட்சி செய்யும்படி அந்த வெளிகளை வகுத்துக் கொடுத்த அருட்பெருஞ்ஜோதி !