admin

காற்றினிற் பெருநிலை கருநிலை யளவில ஆற்றவும் வகுத்த வருட்பெருஞ் ஜோதி – 468   காற்றினில் பெருநிலை கருநிலை அளவில ஆற்றவும் வகுத்த  அருட்பெருஞ்ஜோதி   பெருநிலை – விரிந்த, கருநிலை – மூல சக்தியாக காற்று பரந்துள்ள இந்த உலக இயக்கத்திற்கு காரணமாகவும், உயிர்களின் இயக்கத்திற்கு காரணமாகவும், அதன் ஆற்றலை அளவிட முடியாத வண்ணம் அமைத்துள்ள அருட்பெருஞ்ஜோதி !

காற்றினி லூறியல் காட்டுறு பலபல ஆற்றலி னமைத்த வருட்பெருஞ் ஜோதி – 466   காற்றினில் ஊறியல் காட்டுறு பலபல ஆற்றலின் அமைத்த  அருட்பெருஞ்ஜோதி   பஞ்சபூதங்களில் காற்றில் மட்டுமே உள்ள தொடு உணர்ச்சி என்னும் இயல்பையும், அந்த உணர்ச்சியின் மூலம் வெளிப்படும் பலவிதமான தன்மைகளையும் தனது பேராற்றலால் அமைத்தருளிய அருட்பெருஞ்ஜோதியே!

காற்றிடைப் பூவியல் கருதுறு திறவியல் ஆற்றலின் வகுத்த வருட்பெருஞ் ஜோதி – 464   காற்றிடைப்பூ இயல் கருதுறு திறவியல் ஆற்றலின் வகுத்த  அருட்பெருஞ்ஜோதி   கருதுறு – கருதி ஆராயப்படும்   திறவியல் – திறன்களின் இயல்பு காற்று வீசப்படும் பூமியின் தன்மையை இயல்பாக பொருந்தி வீசக்கூடிய இயல்பான ஆற்றலை அமைத்துள்ள அருட்பெருஞ்ஜோதி.

காற்றிடை யசையியல் கலையிய லுயிரியல் ஆற்றலி னமைத்த வருட்பெருஞ் ஜோதி – 462   காற்றிடை அசை இயல் கலை இயல் உயிர் இயல் ஆற்றலின் அமைத்த  அருட்பெருஞ்ஜோதி   காற்றின் தன்மைகளாக அசைவு, கலை (சுவாசம், யோகம்), உயிர் (பிராணன்) போன்ற இயல்புகளை சக்தியாக அமைத்துள்ள அருட்பெருஞ்ஜோதி !

தீயியல் பலபல செறித்ததிற் பலவும் ஆயுறப் புரிந்த வருட்பெருஞ் ஜோதி – 460   தீஇயல் பலபல செறித்து அதில்பலவும் ஆய்உறப் புரிந்த  அருட்பெருஞ்ஜோதி பஞ்சபூத தத்துவத்தின் மூன்றாம் நிலையில் உள்ள நெருப்பு தத்துவத்தின் இயல்பான செயல்களையும், சூழ்நிலைக்கேற்ப பல பலன்களையும் அமைத்து கொடுத்த அருட்பெருஞ்ஜோதி.

தீயிடை யுருக்கியல் சிறப்பியல் பொதுவியல் ஆயுற வகுத்த வருட்பெருஞ் ஜோதி – 458   தீயிடை உருக்கியல் சிறப்பியல் பொதுஇயல் ஆய்உற வகுத்த  அருட்பெருஞ்ஜோதி   நெருப்பு உலக பொருள்களை உருக்கும் தன்மையையும், அக்னியாக உடல் கழிவுகளை உருக்கும் தன்மையையும் அமைத்த அருட்பெருஞ்ஜோதி.

தீயினிற் பக்குவஞ் சேர்குண மியற்குணம் ஆய்பல வகுத்த வருட்பெருஞ் ஜோதி – 456   தீயினில் பக்குவம் சேர்குணம் இயல்குணம் ஆய்பல வகுத்த  அருட்பெருஞ்ஜோதி   நெருப்பின் பக்குவம் என்பது இணையும் பொருள்கள் மற்றும் செயல்களில் வெவ்வேறு நிலைகளை அடையும் வகையில் அமைத்த அருட்பெருஞ்ஜோதி.