Prasanna

உடல் மாசையும், உயிர் மாசையும் அறிந்து நீக்கி மனமாசற்றவனான மாபெரும் தலைவன் முருகப்பெருமான்தான் என்பதை அறியலாம்.

முன் செய்த வினைகள் காரணமாக வறுமை, நோய், பிணி, பகை இன்னும் அநேக துன்பங்கள் வந்தாலும் அதை முருகப்பெருமானின் ஆசியால் வெல்லலாம் என்று அறியலாம்.

முருகா என்றால், வெல்லற்கரிய மாமாயை வென்று வெற்றிகண்ட வேல்முருகனைப் போற்றி துதித்து வாழ்வதே சிறப்பறிவாகும் என்பதை அறியலாம்.

முருகா என்றால், முதன் முதலில் காமதேகத்தை வென்று ஒளி உடம்பைப் பெற்ற மாவீரன் முருகப்பெருமான் என்று அறியலாம். முருகப்பெருமானின் ஆசிபெற்ற மக்களுக்கு, காமதேகம் நீங்கி ஒளிதேகம் பெற்று என்றும் அழிவிலாத மரணமிலாப் பெருவாழ்வைப் பெறலாம் என்றும் அறியலாம்.