முருகனை வணங்கிட, தெய்வத்தின் பெயரால் உயிர்க்கொலை செய்கின்ற பாவிகளை பார்த்தாலே, மாபாவியை பார்த்த பாவம் சூழ்ந்து பார்த்தவருக்கும் நோய் உண்டாகும் என்பதை அறிந்து உயிர்க்கொலை செய்த பாவிகளை பார்ப்பதையே தவிர்க்கும் பண்பை பெறலாம்.

முருகனை வணங்கிட, கொடுக்கக் கூடிய மனமும், அதற்குரிய வாய்ப்பையும் பெற்று ஜென்மத்தைக் கடைத்தேற்றிக் கொள்ளக்கூடிய அறிவையும் முருகப்பெருமான்தான் அருள்வான் என்பதையும் அறியலாம்.

முருகனை வணங்கிட, எந்த உடம்பு காமத்திற்கு காரணமாக இருக்கின்றதோ, அந்த உடம்பே ஞானத்திற்கும் காரணமாக உள்ளதை அறிந்து கொள்ளலாம்.

முருகனை வணங்கிட, யோகத்துக்கும், ஞானத்திற்கும் தலைவன் முருகப்பெருமானே. முருகப்பெருமான் அன்றி, மனிதர்கள் வாசி நடத்தி கொடுப்பது என்பதெல்லாம் வெறும் பொய்யென்றும், ஏமாற்று வேலை என்றும், அவர்களை முருகப்பெருமான் தண்டிப்பார் என்பதையும் அறியலாம்.