Prasanna

முருகப்பெருமான் திருவடிகளைப் பற்றி பூஜித்து ஆசி பெற்றிட்டால்…. சைவத்தலைவன் முருகப்பெருமான் திருவடிகளைப் பற்றி மனமுருகி பூஜித்திட்டால், பூஜிப்போர்க்கு சைவ உணவின் மீது நாட்டம் வருவது இயல்பேயாகும். இதுநாள் வரை அசைவ உணவு பழக்கத்திற்கு ஆளாகியிருந்தாலும் இன்றேனும் முருகனை வணங்கினால் முருகனது கருணையால் அசைவ பழக்கத்திலிருந்து விடுபட்டு பாவியாகாத உணவான சைவ உணவினை உண்டு நாமும் ஜென்மத்தைக் கடைத்தேற்றிக் கொள்ளலாம் என்பதை அறியலாம்.

முருகப்பெருமான் திருவடிகளைப் பற்றி பூஜித்து ஆசி பெற்றிட்டால்…. தயவே வடிவான தயாநிதி முருகப்பெருமானின் திருவடிகளை பற்றி பூஜிக்கும் மக்கள், நிச்சயம் பிறஉயிர்களுக்கு துன்பம் செய்ய மாட்டார்கள் என்பதை அறியலாம்.

முருகப்பெருமான் திருவடிகளைப் பற்றி பூஜித்து ஆசி பெற்றிட்டால்…. உயிர்களை வதைத்து விளையாட்டுகளை விளையாடுவதும், அப்படிப்பட்ட விளையாட்டுகளை கண்டு மகிழ்வதும் பாவம் என்பது முருகப்பெருமானால் உணர்த்தப்படும். முருகனை வணங்காது, இது பாவம் என்பதையும் அறியாது, தன் மன மகிழ்விற்காக ஏதேதோ காரணங்கள் சொல்லி உயிர்களை வதைப்பார்களேயானால், அவர் முருகப்பெருமானை வணங்காதவராயினும் சரி, வணங்குவோராயினும் சரி அவர்களுக்கு தக்க விதத்தில் முருகப்பெருமானால் உணர்த்தப்படும்.