admin

சுத்தநல் வெளியைத் துரிசறு பரவெளி அத்திடை வகுத்த வருட்பெருஞ் ஜோதி – 562   சுத்தநல் வெளியைத் துரிசறு பரவெளி அத்திடை வகுத்த  அருட்பெருஞ்ஜோதி   துரிசு – குற்றம்         சுத்த வெளி – தூய்மையான வெளி குற்றங்கள் யாவும் நீங்கிய மேலான சுத்த வெளியையும், எவ்வித மாசும் இல்லாத சுத்த நல்வெளியையும் படைத்து, அந்த வெளிகளுக்குள் உயிர்கள் உய்யும் வண்ணம் முறையான அமைப்புகளை வகுத்த அருட்பெருஞ்ஜோதி !

கலைவெளி யதனைக் கலப்பறு சுத்த அலர்வெளி வகுத்த வருட்பெருஞ் ஜோதி – 560   கலைவெளி அதனைக் கலப்பறு சுத்த அலர்வெளி வகுத்த  அருட்பெருஞ்ஜோதி   கலைவெளி – அறிவு சார்ந்த வெளி அலர்வெளி – ஞானம் சார்ந்த வெளி மனித அறிவுக்கு எட்டாத பல கலைகளையும் தத்துவங்களையும் கடந்து, அவை அனைத்தையும் ஒரு தெளிவான, தூய்மையான பெருவெளியாகப் புரிய வைத்த அருட்பெருஞ்ஜோதி.

உயிர்வெளி யதனை யுணர்கலை வெளியில் அயலற வகுத்த வருட்பெருஞ் ஜோதி – 558   உயிர்வெளி அதனை உணர்கலை வெளியில் அயல் அற வகுத்த  அருட்பெருஞ்ஜோதி   உணர் கலை – ஞானம்             அயலற – வேறுபாடின்றி உயிர் ஜீவாத்மாவை, அறிவு மற்றும் ஞானம் என்னும் கலைகளை இயக்கும் உணர் கலை வெளியில் வேறுபாடு ஏதும் இன்றி, இரண்டையும் ஒரே தன்மை உடையதாக  அமைத்து அருளிய அருட்பெருஞ்ஜோதியே!

உயிர்வெளி யிடையே வுரைக்கரும் பகுதி அயவெளி வகுத்த வருட்பெருஞ் ஜோதி – 556   உயிர்வெளி இடையே உரைக்கரும் பகுதி அயவெளி வகுத்த  அருட்பெருஞ்ஜோதி   உரைக்க அரும் – வார்த்தைகளால் விவரிக்க முடியாத உயிர் என்னும் பிராண சக்திக்கும் பிரபஞ்ச வெளிக்கும் இடையே உள்ள, வார்த்தைகளால் விவரிக்க முடியாத நுட்பமான பிரிவுகளையும்,  இயங்குவதற்குரிய பரந்த இடைவெளியையும் முறையாகப் பகுத்து அமைத்து அருளிய அருட்பெருஞ்ஜோதியே!

பகுதிவான் வெளியிற் படர்ந்தமா பூத வகல்வெளி வகுத்த வருட்பெருஞ் ஜோதி – 554   பகுதிவான் வெளியில் படர்ந்தமா பூத அகல்வெளி வகுத்த  அருட்பெருஞ்ஜோதி   ஆகாய வெளி என்னும் பூதத்தின் எல்லைக்குள், பரவி விரிந்துள்ள மற்ற நான்கு மகா பூதங்களும் (நிலம், நீர், நெருப்பு, காற்று) அவை இயங்குவதற்கேற்ற மிகப் பரந்த இடைவெளியை அமைத்து அருளிய அருட்பெருஞ்ஜோதியே!

புனன்மேற் புவியும் புவிமேற் புடைப்பும் அனன்மேல் வகுத்த வருட்பெருஞ் ஜோதி – 552   புனல்மேல் புவியும் புவிமேல் புடைப்பும் அனல்மேல் வகுத்த  அருட்பெருஞ்ஜோதி   நீரின் மேலே நிலமும், நிலத்தின் மேலே மலைகள் போன்ற புடைப்புகள் இருப்பதும், இவை அனைத்தையும் அனல் என்னும் மூல ஆற்றலின் மீது  அமைத்து அருளிய அருட்பெருஞ்ஜோதி ! இந்த கவி வடவாக்கினி இயக்கத்தைக் குறிக்கிறது.

நீர்மேல் நெருப்பும் நெருப்பின்மே லுயிர்ப்பும் ஆர்வுற வகுத்த வருட்பெருஞ் ஜோதி – 550   நீர்மேல் நெருப்பும் நெருப்பின்மேல் உயிர்ப்பும் ஆர்உற வகுத்த  அருட்பெருஞ்ஜோதி   நீரின் இயல்பில் நெருப்பின் சக்தியையும், அந்த நெருப்பின் சக்தியின் இயல்பில் உயிர்ப்பாகிய (பிராணன் / காற்று) சக்தியையும் நிலைபெறும்படி செய்து, அவை அனைத்தும் உயிர்கள் வாழ்ந்து இன்பம் அடைய வேண்டும் என்பதற்காக முறையாக அமைத்து அருளிய அருட்பெருஞ்ஜோதியே!

நெருப்பிடை நீரும் நீரிடைப் புவியும் அருப்பிட வகுத்த வருட்பெருஞ் ஜோதி – 548   நெருப்பிடை நீரும் நீரிடைப் புவியும் அருப்பிட வகுத்த  அருட்பெருஞ்ஜோதி   அருப்பிட – அழகான / ஆச்சர்யமான வெப்பத்தினால் நீரை உண்டாக்கியும், அந்த நீரின் தன்மையினால் நிலத்தின் (பூமியின்) கூறுகளை உண்டாகும்படி செய்தும், இவை அனைத்தையும் அழகாக நிலைபெறும்படி அமைத்து அருளிய அருட்பெருஞ்ஜோதியே!

வானிடைக் காற்றும் காற்றிடை நெருப்பும் ஆனற வகுத்த வருட்பெருஞ் ஜோதி – 546   வானிடைக் காற்றும் காற்றிடை நெருப்பும் ஆனற வகுத்த  அருட்பெருஞ்ஜோதி   ஆகாயத்தில் காற்றை உண்டாக்கியும், அந்தக் காற்றின் தன்மையில், வெப்பத்தை உண்டாக்கியும், அவை எல்லாம் உயிர்களுக்கு நன்மை தருமாறு நீதியுடன் அமைத்து அருளிய அருட்பெருஞ்ஜோதியே!