admin

புறந்தலை நடுவொடு புணர்ப்பித் தொருகடை அறம்பெற வகுத்த வருட்பெருஞ் ஜோதி – 516 புறந்தலை நடுவொடு புணர்ப்பித்து ஒரு கடை அறம்பெற வகுத்த அருட்பெருஞ்ஜோதி தோற்றத்தில் ஆரம்பித்து, தவறு செய்யாமல் இருப்பதற்காக அதற்கு முடிவை தந்து அறத்தை நிலை நாட்டும் அருட்பெருஞ்ஜோதி !

புறநடுவொடு கடை புணர்ப்பித் தொருமுதல் அறமுற வகுத்த வருட்பெருஞ் ஜோதி – 514 புறநடு வொடுகடை புணர்ப்பித்து ஒருமுதல் அறம்உற வகுத்த அருட்பெருஞ்ஜோதி வெளி உலகத்தின் மையத்தையும் அதன் எல்லையையும் ஒன்றாக இணையும்படி செய்து, அந்த இயக்கங்களுக்கான ஒப்பற்ற மூலத் தத்துவத்தை (ஒருமுதல்) அறத்தின் நியதிப்படி அமைத்து அருளிய அருட்பெருஞ்ஜோதி !

வெளியி னனைத்தையும் விரித்ததிற் பிறவும் அளியுற வமைத்த வருட்பெருஞ் ஜோதி – 512 வெளியின் அனைத்தையும் விரித்து அதில் பிறவும் அளிஉற அமைத்த அருட்பெருஞ்ஜோதி ஆகாய தத்துவத்தை இதுவரை விவரித்துள்ள விரிவான நிலைகளுக்கு அப்பாலும் இன்னும் பல்வேறு நிலைகளை பிரபஞ்ச இயக்கமாக கருணையோடு அமைத்துள்ள அருட்பெருஞ்ஜோதி ! அகம் – உள் புறம் – வெளி நடு – மையம், தொடர்பு, உள்ளம். முதல் – தோற்றம், கடை – முடிவு, தலை – ஆரம்பம்,

வெளியிடை யுயிரியல் வித்தியல் சித்தியல் அளிபெற வமைத்த வருட்பெருஞ் ஜோதி – 510 வெளியிடை உயிர்இயல் வித்தியல் சித்தியல் அளிபெற அமைத்த அருட்பெருஞ்ஜோதி ஆகாயம் என்னும் பரவெளியில், உயிர்கள் வாழ்வதற்கான இயல்பு நிலை, அவை தோன்றுவதற்கான வித்து நிலை, மற்றும் உயிர்களின் முடிவாகிய இறுதி நிலை ஆகிய மூன்றையும், இயற்கையின் விதிப்படி கருணையுடன் முறையாக அமைத்து அருளிய அருட்பெருஞ்ஜோதியே! சித்தாந்த தத்துவத்தின் படி பஞ்சபூதங்களின் இயக்கமே, உயிர் இயக்கத்திற்கும், யோக இயக்கத்திற்கும் (வித்தியல்), சித்தி நிலை (சித்தியல்) … Read more

வெளியிடை பலவே விரித்ததிற் பற்பல அளிதர வமைத்த வருட்பெருஞ் ஜோதி – 508   வெளியிடைபலவே விரித்து அதில் பற்பல அளிதர அமைத்த  அருட்பெருஞ்ஜோதி   பரவெளியில் உள்ள அண்டங்களை பகுத்துப் பார்த்தால் அதில் பல கோள்கள் இருக்கும். அந்த கோள்கள், கோள்களின் தொகுப்பான அண்டங்கள், அண்டங்களின் இயக்கங்கள் என்று பல விரிவுகளையும் கருணையோடு அமைத்துள்ள அருட்பெருஞ்ஜோதி !

வெளியிடை யொன்றே விரித்ததிற் பற்பல அளியுற வகுத்த வருட்பெருஞ் ஜோதி – 506   வெளியிடை ஒன்றே விரித்து அதில் பற்பல அளிஉற வகுத்த  அருட்பெருஞ்ஜோதி   பரந்த பிரபஞ்சமான ஒன்றை விரிவாக்கி அதில் பல அண்டங்களையும் கோள்களையும் முறையாக அமைத்துள்ள அருட்பெருஞ்ஜோதி !

வெளியிடை முடிநிலை விளங்குற வகுத்தே அளிபெற விளக்கு மருட்பெருஞ் ஜோதி – 502   வெளியிடை முடிநிலை விளங்குற வகுத்தே அளிபெற விளக்கும்  அருட்பெருஞ்ஜோதி   உலகியலில் ஆகாயம் என்பது மேல் நிலை (முடிநிலை) என்பதாக கருதப்படுகிறது. சித்தாந்த யோக நிலையிலும் கரணங்களை ஒடுக்கி சித்தி பெறும் நிலை முடி நிலையாக அருளுடன் அமைத்துள்ள அருட்பெருஞ்ஜோதி !

வெளியினிற் சத்திகள் வியப்புற சத்தர்கள் அளியுற வகுத்த வருட்பெருஞ் ஜோதி – 504   வெளியினில் சத்திகள் வியப்புற சத்தர்கள் அளிஉற வகுத்த  அருட்பெருஞ்ஜோதி   விண்ணில் நடக்கும் எண்ணற்ற விளைவுகளையும், அந்த விளைவுகளை ஏற்படுத்தும் சக்திகளையும் பொருந்த அருளுடன் அமைத்துள்ள அருட்பெருஞ்ஜோதி !