admin

வெளியிடைக் கருநிலை விரிநிலை யருநிலை அளிகொள வகுத்த வருட்பெருஞ் ஜோதி – 500   வெளியிடைக் கருநிலை விரிநிலை அருநிலை அளிகொள வகுத்த  அருட்பெருஞ்ஜோதி   ஞானிகளின் கூற்றுப்படி பிரபஞ்ச பெருவெடிப்பில் உண்டாகிய இந்த உலகம் மற்றும் உயிர்களின் கருவே ஆகாயமாகும். விரிந்து பரந்துள்ள, கண்களுக்கு புலப்படாத அருவ நிலையில் ஆகாயத்தை கருணைக் கொண்டு அமைத்துள்ள அருட்பெருஞ்ஜோதி!

வெளியினி லொலிநிறை வியனிலை யனைத்தும் அளியுற வமைத்த வருட்பெருஞ் ஜோதி – 498   வெளியினில் ஒலிநிறை வியன்நிலை அனைத்தும் அளிஉற அமைத்த  அருட்பெருஞ்ஜோதி   ஆகாயமெங்கும் பரந்துள்ள ஒலிகளையும் (நாதங்கள், சப்தங்கள்), இந்த விரிந்த வெளியில் உள்ள அனைத்து நிலைகளையும் (அண்டங்களின் இருப்பு, இயக்க விதிகள்) கருணைக் கொண்டு முறையாகவும், அழகாகவும் அமைத்துள்ள அருட்பெருஞ்ஜோதி !

வெளியிடைப் பூவெலாம் வியப்புறு திறனெலாம் அளியுற வமைத்த வருட்பெருஞ் ஜோதி – 496   வெளியிடைப் பூஎலாம் வியப்புறு திறன்எலாம் அளிஉற அமைத்த  அருட்பெருஞ்ஜோதி   ஆகாயம் என்னும் வெளியில் உள்ள அனைத்து அண்டங்களையும், அவற்றின் விந்தைமிகு ஆற்றல்களையும், ஒழுங்குடனும், நிலைபெறும்படியாகவும் அமைத்துள்ள அருட்பெருஞ்ஜோதி !

வெளியிடைப் பகுதியின் விரிவிய லணைவியல் அளியுற வமைத்த வருட்பெருஞ் ஜோதி – 494   வெளியிடைப் பகுதியின் விரிவியல் அணைவியல் அளிஉற அமைத்த  அருட்பெருஞ்ஜோதி   அளியுற – அருள் உண்டாக / கருணையோடு  அணைவு – ஈர்ப்பு ஆகாயம் என்பது பரந்த பிரபஞ்சத்தின் எல்லைகள் இல்லாத வெட்ட வெளியாகும். அந்த பிரபஞ்சத்தின் ஒரு கூறாகிய நமது உலகத்தில் பொருள்கள் ஒன்றுக்கொன்று இடம் பிரிந்து இருக்கும் விரிவான தன்மையையும், அதே சமயம் ஒன்றை ஒன்று நெருங்கிச் சேரும் … Read more

காற்றியல் பலபல கணித்ததிற் பிறவும் ஆற்றவும் வகுத்த வருட்பெருஞ் ஜோதி – 492   காற்றியல் பலபல கணித்து அதில்பிறவும் ஆற்றவும் வகுத்த அருட்பெருஞ்ஜோதி   காற்றின் இயல்பு இன்னதென்று வரையறுத்தது போக, அதில் உள்ள பிற ஆற்றல்களையும் நுட்பமாக வகுத்துள்ள அருட்பெருஞ்ஜோதி !

காற்றினிற் காலங் கருதுறு வகையெலாம் ஆற்றவும் வகுத்த வருட்பெருஞ் ஜோதி – 490   காற்றினில் காலம் கருதுறு வகைஎலாம் ஆற்றவும் வகுத்த  அருட்பெருஞ்ஜோதி   கருதுறு – கருதி ஆராயப்படும் உலக தட்பவெப்ப நிலைக்கு ஏற்றவாறு காற்றை வீசும்படிச் செய்து அந்த காற்றின் தன்மையை ஆராய்ந்தே காலத்தை நிர்ணயம் செய்யும் வகையில் அமைத்துள்ள அருட்பெருஞ்ஜோதி !

காற்றினிற் பக்குவக் கதியெலாம் விளைவித் தாற்றலின் வகுத்த வருட்பெருஞ் ஜோதி – 488   காற்றினில் பக்குவக் கதியெலாம் விளைவித்து ஆற்றலின் வகுத்த  அருட்பெருஞ்ஜோதி   காற்று வீசும் தன்மையை பக்குவப்படுத்தி உலக உயிர்கள் அதன் பயன்களை அனுபவிக்கவும், உடல் பிராண வாயுவை பக்குவமாக கொண்டு முக்தி நிலையை அடையவும் நுட்பமான வகையில் அமைத்துள்ள அருட்பெருஞ்ஜோதி !

காற்றிடைச் செயலெலாங் கருதிய பயனெலாம் ஆற்றவும் வகுத்த வருட்பெருஞ் ஜோதி – 486   காற்றிடைச் செயல் எலாம் கருதிய பயன் எலாம் ஆற்றவும் வகுத்த அருட்பெருஞ்ஜோதி   உலக இயல்பில் பல செயல்கள் காற்றின் துணைக் கொண்டு செய்து அதன் பலனை உலக உயிர்கள் அனுபவிக்கும் வகையில் அமைத்த அருட்பெருஞ்ஜோதி !