admin

காற்றிடை யுணரியல் கருதிய லாதிய ஆற்றுற வகுத்த வருட்பெருஞ் ஜோதி – 484   காற்றிடை உணரியல் கருதியல் ஆதிய ஆற்றுற வகுத்த  அருட்பெருஞ்ஜோதி   கண்ணால் பார்க்கமுடியாத காற்றினை ஸ்பரிசத்தால் உணரக் கூடிய தன்மையில் அமைத்த அருட்பெருஞ்ஜோதி !

காற்றிடை நானிலைக் கருவிக ளனைத்தையும் ஆற்றுற வகுத்த வருட்பெருஞ் ஜோதி –  482   காற்றிடை நானிலைக் கருவிகள் அனைத்தையும் ஆற்றுற வகுத்த  அருட்பெருஞ்ஜோதி   உள்ளம் என்று அழைக்கப்படும் மனம், புத்தி, சித்தம், அகங்காரம் ஆகிய நான்கு கருவிகளையும் சுவாசம் இருக்கும் வரை ஆற்றலாய் செயல்படுத்த வைக்கும் அருட்பெருஞ்ஜோதி !

காற்றிடை யுயிர்பல கதிபல கலைபல ஆற்றலி னமைத்த வருட்பெருஞ் ஜோதி – 480   காற்றிடை உயிர்பல கதிபல கலைபல ஆற்றலின் அமைத்த  அருட்பெருஞ்ஜோதி   காற்று என்னும் பஞ்சபூதத்தின் துணைகொண்டு, பலவிதமான உயிர்களையும், அவற்றின் பலவிதமான இயக்க நிலைகளையும், பலவிதமான நுட்பமான கலைகளையும் வல்லமையுடன் முறையாக அமைத்து அருளிய அருட்பெருஞ்ஜோதியே!

காற்றிடைச் சத்தர்கள் கணிதங் கடந்தன ஆற்றவும் வகுத்த வருட்பெருஞ் ஜோதி – 478   காற்றிடைச் சத்தர்கள் கணிதம் கடந்தன ஆற்றவும் வகுத்த  அருட்பெருஞ்ஜோதி   காற்றின் செயல்பாடுகளையும், அதை இயக்கும் ஆற்றல்களையும் பல விதமாக கணக்கில் அடங்காதவாறு அமைத்த அருட்பெருஞ்ஜோதி !

காற்றிடைச் சத்திகள் கணக்கில வுலப்பில ஆற்றவு மமைத்த வருட்பெருஞ் ஜோதி – 476   காற்றிடைச் சத்திகள் கணக்கில உலப்பில ஆற்றவும் அமைத்த  அருட்பெருஞ்ஜோதி   காற்று என்னும் பூதத்தின் அளவற்ற (கணக்கில), அழியாத சக்திகள் (உலப்பில) அனைத்தையும் ஆளுமை செய்து, அவற்றின் மூலமாக உலக இயக்கத்தை மிகுந்த வல்லமையுடன் நிலைபெறச் செய்த அருட்பெருஞ்ஜோதி !

காற்றினிற் குணம்பல கணம்பல வணம்பல ஆற்றலி னமைத்த வருட்பெருஞ் ஜோதி – 474   காற்றினில் குணம்பல கணம்பல வணம்பல ஆற்றலின் அமைத்த  அருட்பெருஞ்ஜோதி   காற்றின் தன்மை பலதரப்பட்டதாகும். மேலும், காற்று என்பது பல தரப்பட்ட வாயுக்களின் கூட்டமாகும். காற்றுடன் சூரிய ஒளி சேரும்போது ஒளிச்சிதறல்கள் தோன்றி பல நிறக்கூறுகளாகவும் இருக்கும். பலதரப்பட்ட தன்மைகளை அமைத்த அருட்பெருஞ்ஜோதி.

காற்றினி லிடைநடு கடைநடு வகம்புறம் ஆற்றவும் வகுத்த வருட்பெருஞ் ஜோதி – 472   காற்றினில் இடைநடு கடைநடு அகம்புறம் ஆற்றவும் வகுத்த  அருட்பெருஞ்ஜோதி   காற்று என்னும் பூதத்தின் எல்லா இயக்க நிலைகளிலும் (ஆரம்பம், நடு, முடிவு, மையம்) மற்றும் அகத்திலும் புறத்திலும் நிகழும் எல்லா இயக்கங்களையும்  துல்லியமாகவும் அமைத்து அருளிய அருட்பெருஞ்ஜோதியே!

காற்றிடை யீரியல் காட்டி யதிற்பல ஆற்றவும் வகுத்த வருட்பெருஞ் ஜோதி – 470   காற்றிடை ஈரியல் காட்டி அதில்பல ஆற்றவும் வகுத்த  அருட்பெருஞ்ஜோதி   காற்றின் இயல்பான இருநிலைகளான வெப்பம் மற்றும் குளிர்ச்சி நிலைகளை அமைத்து அதன் விளைவாக பல இயக்கங்களை நடத்த வகை செய்த அருட்பெருஞ்ஜோதி. தவத்தின் மூலமே இருநிலைகளாக மூச்சுக்காற்றினை இயக்குவதே ஆகும்.