admin

நெருப்பது நிலைநடு நிலையெலா மளவி அருப்பிட வகுத்த வருட்பெருஞ் ஜோதி – 362   நெருப்பு அது நிலை நடு நிலை எலாம் அளவி அருப்பிட வகுத்த அருட்பெருஞ்ஜோதி !   நெருப்பின் நடுநிலையை குறிப்பிட்டு அது நல்ல பொருள், கெட்டப்பொருள் என்ற பாகுபாடு இல்லாமல் சுட்டெரிக்கும் தன்மையை கொடுத்த அருட்பெருஞ்ஜோதி !

விண்ணிலை சிவத்தின் வியனிலை யளவி அண்ணுற வமைத்த வருட்பெருஞ் ஜோதி – 358   விண்ணிலை சிவத்தின் வியன் நிலை அளவி அண்ணுற அமைத்த அருட்பெருஞ்ஜோதி !   வியன் நிலை – பரந்த நிலை.  அளவி – எல்லையுள் அடக்கி ஆகாயத்துக்கும் அப்பால் உள்ள பரம்பொருளான சிவத்தின் உன்னதமான, பரந்த நிலையைத் தனது சர்வ வல்லமையால் அளந்து, அந்த நிலையைத் தன்னுடன் நெருக்கமாகப் பொருந்தும்படி நிலைப்பெறச் செய்த அருட்பெருஞ்ஜோதியே!

புவியுறு புவியாய்ப் புவிநிலைப் புவியாய் அவைகொள விரிந்த வருட்பெருஞ் ஜோதி – 356   புவியுறு புவியாய்ப் புவி நிலைப் புவியாய் அவை கொள விரிந்த அருட்பெருஞ்ஜோதி !   பூமியின் உள்ளே அடங்கியுள்ள நுட்பமான சக்தியாகவும், பூமி நிலைப்பெற்று நிற்பதற்கான மூல ஆதாரமாகவும் விளங்கி, எல்லா உயிர்களையும் தன்னுள் அடக்கிக் கொள்ளும் வண்ணம் பிரபஞ்சம் முழுவதும் விரிவடைந்த அருட்பெருஞ்ஜோதியே!

புவியினுட் புவியாய்ப் புவிநடுப் புவியாய் அவைதர வயங்கு மருட்பெருஞ் ஜோதி – 354   புவியினுள் புவியாய்ப் புவி நடுப் புவியாய் அவைதர வயங்கும் அருட்பெருஞ்ஜோதி !   பூமி என்னும் பூதத்தின் உள்ளே அடங்கியிருக்கும் நுட்பமான பூமியின் சக்தியாகவும், அந்தப் பூமியின் மையத்திலும் ஆதாரப் பூமியாகவே நிறைந்து, உயிர்கள் வாழ்வதற்கான உறுதியான நிலையை அருளிப் பிரகாசிக்கின்ற அருட்பெருஞ்ஜோதியே!

புனலுறு புனலாய்ப் புனனிலைப் புனலாய் அனையெனப் பெருகு மருட்பெருஞ் ஜோதி – 352   புனலினுள் புனலாய்ப் புனல் நிலைப் புனலாய் அனையெனப் பெருகும் அருட்பெருஞ்ஜோதி !   நீரின் உள்ளே அடங்கியுள்ள நுட்பமான நீராகவும், அந்த நீருக்கே ஆதாரமான நிலைச் சக்தியாகவும் விளங்கி, நீரின் தன்மையைப் போலவே எல்லாத் திசைகளிலும் பெருகி விரிவடைந்து ஓங்கி நிற்கின்ற அருட்பெருஞ்ஜோதியே!

புனலினுட் புனலாய்ப் புனலிடைப் புனலாய் அனையென வயங்கு மருட்பெருஞ் ஜோதி – 350   புனலினுள் புனலாய்ப் புனல் இடைப் புனலாய் அனை என வயங்கும் அருட்பெருஞ்ஜோதி !   நீர் என்னும் பூதத்தின் உள்ளே அடங்கியுள்ள நுட்பமான நீரின் சக்தியாகவும், அந்த நீர் பரவியுள்ள இடைவெளிகளிலும் நீரின் தன்மையாகவே நிறைந்து,  ஒளிர்கின்ற அருட்பெருஞ்ஜோதியே!

அனலுறு மனலா யனனிலை யனலாய் அனலுற வயங்கு மருட்பெருஞ் ஜோதி – 348   அனல் உறும் அனலாய் அனல் நிலை அனலாய் அனல் உற வயங்கும் அருட்பெருஞ்ஜோதி !   நெருப்பின் உள்ளே அடங்கியிருக்கும் நுட்பமான நெருப்பாகவும், அந்த நெருப்பு நிலைப்பெற்று நிற்பதற்கான மூல ஆதாரமாகவும் விளங்கி, நெருப்புடன் பொருந்தியே பிரகாசிக்கின்ற அருட்பெருஞ்ஜோதியே!

அனலினு ளனலா யனனடு வனலாய் அனலுற விளங்கு மருட்பெருஞ் ஜோதி – 346   அனலின் உள் அனலாய் அனல் நடு அனலாய் அனலுற விளங்கும் அருட்பெருஞ்ஜோதி !   நெருப்பின் உள்ளே அடங்கியிருக்கும் நுட்பமான நெருப்பாகவும், அந்த நெருப்பின் மையத்திலும் மூல ஒளியாக இருந்தும், அந்த நெருப்புடன் நெருக்கமாக ஒளிர்ந்து விளங்குகின்ற அருட்பெருஞ்ஜோதியே!