admin

தீயிடைப் பூவெலாந் திகழுறு திறமெலாம் ஆயுற வகுத்த வருட்பெருஞ் ஜோதி – 436   தீயிடை பூஎலாம் திகழ்உறு திறம் எலாம் ஆய்உற வகுத்த அருட்பெருஞ்ஜோதி   நெருப்பின் தன்மைக்குள்ளேயே, பூமிக்குரிய தன்மையும், அவை இயங்குவதற்கான எல்லா ஆற்றல்களும் இருக்குமாறு செய்து, இவை அனைத்தையும் அறியும்படி  வகுத்து அமைத்த பேரருள் ஒளியே!

தீயினில் வெண்மைத் திகழியல் பலவா வாயுற வகுத்த வருட்பெருஞ் ஜோதி – 434   தீயினில் வெண்மைத் திகழ்இயல் பலவா ஆய்உற வகுத்த அருட்பெருஞ்ஜோதி   தீயினால் சுடப்படும் எந்த ஒரு பொருளும் அதன் அழுக்குகள் நீங்கி தூய்மை அடையுமாறு அமைத்துள்ள அருட்பெருஞ்ஜோதி !

தீயினிற் சூட்டியல் சேர்தரச் செலவியல் ஆயுற வகுத்த வருட்பெருஞ் ஜோதி – 432   தீயினில் சூட்டியல் சேர்தரச்செலவு இயல் ஆய்உற வகுத்த  அருட்பெருஞ்ஜோதி   தீயின் வெப்பம் அதனுடன் சேரும் பொருளால் தணியும்படி அமைத்துள்ள அருட்பெருஞ்ஜோதி !

நீரியல் பலபல நிரைத்ததிற் பிறவும் ஆர்தரப் புரிந்த வருட்பெருஞ் ஜோதி – 430   நீர்இயல் பலபல நிறைத்து அதில் பிறவும் ஆர்தரப் புரிந்த அருட்பெருஞ்ஜோதி   நீருக்குள்ளேயே பலவிதமான இயல்புகளை முறையாக நிலைபெறச் செய்து, அதனோடு இணைந்த மற்ற பொருட்களையும் (பிறவற்றையும்) அமைத்து, அவை உயிர்களுக்கு நிறைவைத் தரும் வகையில் அமைத்த அருட்பெருஞ்ஜோதி !

நீருறு பக்குவ நிறைவுறு பயன்பல ஆருற வமைத்த வருட்பெருஞ் ஜோதி – 428   நீர்உறு பக்குவ நிறைவுறு பயன்பல ஆர்உற அமைத்த  அருட்பெருஞ்ஜோதி   நீரை, உலக உயிர்கள் பயன்படுத்துவதற்கேற்ற பக்குவமான நிலையில் நிறுத்தி, அதன் மூலம் உண்டாகும் எண்ணற்ற நிறைவான பயன்பாடுகளை உயிர்கள் அனுபவிக்கும்படி முறையாக அமைத்து அருளிய பேரருள் ஒளியே!

நீரிடை நிலைபல நிலையுறு செயல்பல ஆர்கொள வகுத்த வருட்பெருஞ் ஜோதி – 426 நீரிடை நிலைபல நிலைஉறு செயல்பல ஆர்கொள வகுத்த அருட்பெருஞ்ஜோதி ஆர் கொள – நன்மை கொள்ளும்படி நீரின் தன்மையிலேயே பலவிதமான நிலைகளையும், அந்தந்த நிலைகளுக்குரிய எண்ணற்ற செயல்பாடுகளையும் நிலைநிறுத்தி, அந்தச் செயல்பாடுகளின் மூலம் உலக உயிர்கள் அனைத்தும் நிறைவு பெறும்படி வகுத்து அமைத்த அருட்பெருஞ்ஜோதியே!

நீரிடை யுயிர்பல நிகழுறு பொருள்பல ஆருற வமைத்த வருட்பெருஞ் ஜோதி – 424 நீரிடை உயிர்பல நிகழ்உறு பொருள்பல ஆர்உற அமைத்த அருட்பெருஞ்ஜோதி நீர் என்னும் பூதத்தின் துணைகொண்டு, பலவிதமான உயிர்களும், அவற்றிற்குத் தேவையான பலவிதமான பொருள்களும் உண்டாகச் செய்து, உயிர்கள் இன்பம் அடைந்து வாழும்படி முறையாக அமைத்து அருளிய அருட்பெருஞ்ஜோதியே!

நீரினிற் சத்தர்க ணிறைவகை யுறைவகை ஆர்தரப் புரிந்த வருட்பெருஞ் ஜோதி – 422 நீரினில் சத்தர்கள் நிறைவகை உறைவகை ஆர்தரப் புரிந்த அருட்பெருஞ்ஜோதி நீர் என்னும் பூதத்தில் பலவிதமான சக்திகளின் வடிவங்கள் நிரம்பி நிலைபெற்று இருக்கும் வகைகளை அமைத்து, அதன் மூலம் உலக உயிர்கள் இன்பம் அடையும்படி செய்தருளிய அருட்பெருஞ்ஜோதியே!

நீரிடைச் சத்திகள் நிகழ்வகை பலபல ஆர்தர வகுத்த வருட்பெருஞ் ஜோதி – 420 நீரிடைச் சத்திகள் நிகழ்வகை பலபல ஆர்தர வகுத்த அருட்பெருஞ்ஜோதி நீருக்குள்ளேயே எண்ணற்ற சக்திகளின் செயல்பாடுகளையும், அவற்றின் பலவிதமான வெளிப்பாடுகளையும் நிகழ்த்தி, அந்தச் சக்திகளின் மூலமாகவே உலகிலுள்ள அனைத்தும் நிறைவையும் வளத்தையும் அடையும்படி நுட்பமாக வகுத்து அமைத்த பேரருள் ஒளியே!